Passion – Mrs. Poht Poht Kyi
ရူးသွပ်စွာနဲ့စတင်ပါ။ရူးသွပ်စွာနဲ့ သင်ယူပါ။ရူးသွပ်စွာနဲ့ကြိုးစားပြီး ရူးသွပ်စွာနဲ့ရှေ့ဆက်ပါ။ လောကကြီးမှာ အောင်မြင်မှုအတွက် အရေးကြီးတာက ကိုယ်လုပ်နေတဲ့အလုပ်ကို တိကျသေချာစွာသိရှိပြီး အမြဲလေ့လာစူးစမ်းနေဖို့ပါ။ကိုယ်လုပ်နေတဲ့အလုပ်ကို တိကျသေချာစွာသိရှိနေတဲ့သူတစ်ယောက်က ၁/ကိုယ့်ကိုယ်ကိုယ် ယုံကြည်မှုအပြည့်ရှိပါတယ်။ နေ့ရက်တိုင်းမှာ ကိုယ်ဘာလုပ်ရမယ်ဆိုတာ သိရှိနေတော့ အောင်မြင်ဖို့လဲရာခိုင်နှုန်းပိုများပါတယ်။ ၂/ကိုယ်သိတာ ကိုယ်မသိတာ ကိုယ်အားနည်းတာ ကိုယ်အားသာတာ သိရှိနေတဲ့အတွက် ဘယ်နေရာကိုဖြည့်ရမလဲ ဘယ်နေရာကို မွှန်းရမလဲ ဘယ်အရာကို ရှောင်ရမယ်သိနေတော့နေ့ရက်တိုင်းက ဆန်းစစ်မှု သင်ယူမှုလေ့လာမှုတွေ ကြိုးစားမှုတွေနဲ့ပြည့်စုံနေမှာပါ။ ကိုယ်လုပ်နေတဲ့အလုပ်ကို တိကျသေချာစွာသိရှိနေတဲ့သူတစ်ယောက်ဖြစ်ချင်ရင် ၁/ မှိုင်တွေပြီး ဘာမှမသိပါဘူး ဘာလုပ်လုပ်အဆင်မပြေပါဘူးဆိုပြီး ထိုင်ပြီး စိတ်ညစ်တဲ့အလုပ်ကိုဘဲလုပ်မနေပါနဲ့ ၂/ ဒီနေ့ကစပြီး စဉ်းစားပါ။ကိုယ့် အလုပ်အတွက် ကိုယ်ဘာတွေသိသင့်တာလဲ။ဘာတွေတက်သင့်တာလဲ။ ဘယ်သူ့ဆီကသင်ရမလဲ။ ဘယ်လိုလေ့လာသင့်လဲ။ ဘာစာအုပ်ဖတ်သင့်လဲ။ ၃/အချိန်ဆွဲတာ ရပ်လိုက်ပါ ဒီနေ့ဘဲ စလုပ်ဖို့ Notebook တစ်အုပ်နဲ့ Plan စရေးပါ ၄/ တစ်လစာ plan တစ်လမှာ ငါဘာတွေ ရအောင်လုပ်မယ်ဆိုတဲ့ဆုံးဘဖြတ်ချက် ၅ ခုကို ချရေးလိုက်ပါ။ ၅/တကယ် စနစ်တကျ အချိန်ပေးပြီးလေ့လာပါ။Internet ကို သုံးပြီးလဲ သေချာရှာဖွေပါ။စာအုပ်ဖတ်ပါ။တက်ကျွမ်းတဲ့သူတွေဆီမှာ သေချာ တပည့်ခံပြီး အချိန်ပေးလေ့လာပါ။အနည်းဆုံး ၄လ ကနေ ၆ လတော့လေ့လာရမယ်ထင်ပါတယ်။ ၆/ ငါ ဘာသင်သင်မရတော့ပါဘူးဆိုတဲ့ Fixed Mindset ကို ထားခဲ့လိုက်ပါတော့။သူတားဆီးထားလို့ အိပ်မက်တွေနဲ့ဝေးနေတာ။ ၇/ငါ ဘာသင်သင်ရတယ် ဘာသင်မယ် ဘာလုပ်မယ်ဆိုတာ စဉ်းစားဖို့ တကယ် စိတ်ရောကိုယ်ပါသင်ယူနေဖို့ နဲ့ ကြိုးစားဖို့ဘဲလိုတယ်ဆိုတဲ့ Growth Mindset အတွေးတွေကို မနက်တိုင်းတွေးပါ။ ၈/ရူးသွပ်စွာနဲ့စတင်ပါ။ရူးသွပ်စွာနဲ့ သင်ယူပါ။ရူးသွပ်စွာနဲ့ကြိုးစားပြီး ရူးသွပ်စွာနဲ့ရှေ့ဆက်ပါ။ ၉/ဘာလုပ်ရမှန်းမသိဘူးဆိုတာနဲ့အချိန်တွေမဖြုန်းပါနဲ့တော့ တစ်ခုခုကို စလုပ်လိုက်ပါ။စတင်လေ့လာပါ။သင်ယူပါ။ ကျွန်မတို့ သင်ယူမှုရပ်တန့်သွားတဲ့နေ့က အောင်မြင်မှုတွေ စပြီး ကျရှုံးသွားတဲ့နေ့ ကျွန်မတို့ဘဝတွေ စသေသွားတဲ့နေ့ဘဲ ကျွန်မတို့ဘဝတွေ အိပ်မက်တွေ အမြဲရှင်သန်နေအောင် သင်ယူမှုတွေကို ဘယ်တော့မှ မရပ်တန့်လိုက်ပါနဲ့လို့..... ရူးသွပ်စွာနဲ့စတင်ပါ။ရူးသွပ်စွာနဲ့ သင်ယူပါ။ရူးသွပ်စွာနဲ့ကြိုးစားပြီး ရူးသွပ်စွာနဲ့ရှေ့ဆက်ပါလို့ ပြောချင်ပါတယ်ရှင်။ ဒီနေ့ဘဲ ကိုယ်လုပ်နေတဲ့အလုပ် ကိုယ်လုပ်မယ့်အလုပ်ကို တိတိကျကျသိဖို့ အချိန် ၂ လ လောက် အနည်းဆုံး ပေးပြီး သေသေချာချာ စတင်ကြည့်ရအောင်နော် အားလုံးဘဲ ကျန်းမာကြပါစေရှင် ချစ်တဲ့ မပို့ ❤️
